ՀՀ ՊՊԾ գնդի տարածքում զինված խմբի կողմից պատանդ վերցված բժիշկների վիճակը նորմալ է: Այս մասին հուլիսի 27-ին լրագրողների հետ զրույցում ասել է ՀՀ առողջապահության փոխնախարար Վահան Պողոսյանը՝ հայտնելով, որ իրենք զրուցել են իրենց աշխատակիցների հետ, որոնց զինված խումբը պատանդ է վերցրել:
Նա հիշեցրել է, որ հուլիսի 17-ից սկսած՝ ՀՀ Առողջապահությնա նախարարությունը ու ամբողջ բժշկական համակարգը՝ հիվանդանոցները, Երեւան քաղաքի «շտապ օգնությունը» շուրջօրյա աշխատել են նախարարի ղեկավարությամբ ու մշտապես բոլորը բուժօգնություն են ստացել ՝ անկախ որեւէ հանգամանքից: «Բուժօգնության տրամադրումը չի դադարեցվել ու չի դադարեցվի»,- շեշտել է Վահան Պողոսյանը:
Փոխնախարարը զինված խմբի անդամներին կոչ է արել ազատ արձակել բուժաշխատողներին: Անդրադառնալով այն տեղեկություններին, որ զինված խումբը պահանջում է, որ առողջապահության նախարար Արմեն Մուրադյանը այնտեղ գնա որպես պատանդ 4 բուժաշխատողների փոխարեն, Վահան Պողոսյանը շեշտեց. «Չի կարելի բուժօգնություն ստանալ՝ նախապայմաններ առաջադրելով»:
