Ադրբեջանի պաշտպանության նախարար Զաքիր Հասանովը ստուգայց է կատարում զորամասեր, հայտնում է haqqin.az–ը։
Պաշտպանության նախարարը հետաքրքրվել է բուժախտորոշիչ կորպուսի, ինչպես նաեւ Գյանջայի նորակառույց զինվորական հոսպիտալի վարչական շենքերի շինարարության աշխատանքների որակով։
Նախարարը հետաքրքրվել է նաեւ շարժական հոսպիտալի նորաբաց թերապեւտիկ բաժանմունքի պայմաններով եւ համապատասխան ցուցումներ տվել։
Այնուհետեւ նախարարը հանդիպել է տանկային զորամասերի անձնակազմի հետ, զննել մարտական կենտրոնի մարտական եւ ավտոմոբիլային տեխնիկան։