Հարավային Կովկասում հակամարտությունների կարգավորման տեսակետից ՆԱՏՕ–ի ազդեցությունը բավականին սահմանափակ է։ Այս մասին հուլիսի 27-ին՝ «ՆԱՏՕ–ի վարշավյան գագաթնաժողովը. հետեւանքներ Հայաստանի համար» քննարկման ժամանակ, ասել է Հայաստանում Գերմանիայի դեսպան Մաթիաս Քիսլերը։

Նրա խոսքով՝ ՆԱՏՕ–ն երբեք անմիջականորեն ներգրավված չի եղել ղարաբաղյան հակամարտության կարգավորման մեջ։ «ՆԱՏՕ–ն երբեք նման մտադրություն չի ունեցել։ Դրա համար կա ԵԱՀԿ Մինսկի խմբի ձեւաչափը»,– ասել է Քիսլերը։