Հայաստանի եւ ՆԱՏՕ–ի միջեւ հաջող համագործակցությունը կախված է երկկողմ շահագրգռվածությունից։ Այս մասին հուլիսի 27-ին՝ «ՆԱՏՕ–ի վարշավյան գագաթնաժողովը. հետեւանքներ Հայաստանի համար» քննարկման ժամանակ ասել է Հայաստանում Գերմանիայի դեսպան Մաթիաս Քիսլերը։
ՆԱՏՕ–ի համար կարեւորագույն խնդիրները կայունությունն ու անվտանգություն են հարավում եւ արեւելքում, սակայն հիմնական ուշադրությունը կենտրոնացված է Դաշինքի արեւելքում։ «ՆԱՏՕ–ն իրականացնում է գործընկերության ծրագրեր երկրների հետ, որոնք Դաշինքի անդամ չեն, եւ Հայաստանը նույնպես այդ ծրագրերի անդամ է։ ՆԱՏՕ–ն միանշանակ հաշվի է առնում գործընկեր երկրների շահերը, այստեղ ամեն բան կախված է նրանից, թե ինչպես է նա ձեւակերպում իր կարիքները եւ դրանք ներկայացնում ՆԱՏՕ–ին»,– նշել է Մաթիաս Քիսլերը։