Ադրբեջանի Սահմանադրության փոփոխությունների հարցով հանրաքվեի արդյունքները, որոնք նախանշված են սեպտեմբերի 26-ին, կհրապարակվեն մինչեւ հոկտեմբերի 21-ը: Haqqin.az-ի փոխանցմամբ՝ այս մասին հայտարարվել է երկրի ԿԸՀ-ի նիստում:
Նիստի ընթացքում հաստատվել է հանրաքվեի նախապատրաստական աշխատանքների եւ քվեարկության անցկացման գործողությունների ծրագիրը: Exit-poll անցկացնելու ցանկություն ունեցող քաղաքացիները պետք է փաստաթղթերը ներկայացնեն մինչեւ սեպտեմբերի 6-ը:
Քվեարկության օրը ԿԸՀ-ն օրվա ընթացքում 5 անգամ ընտրողների մասնակցության մասին տեղեկություններ կհրապարակի:
ԿԸՀ նիստի ընթացքում նաեւ փորձագիտական եւ աշխատանքային խմբեր են ստեղծվել՝ հանրաքվեի ժամանակ քաղաքացիների ընտրելու իրավունքի խախտմանն ուղղված գործողությունների շուրջ բողոքները քննելու նպատակով:
