Ազգային Ժողովի արտահերթ նիստ գումարելու համար համաձայնվել են ստորագրել միայն յոթ պատգամավորներ։

Պատգամավոր Նիկոլ Փաշինյանը Facebook-ի իր էջում հայտնել է, թե «ՊՊԾ գնդի շուրջ ստեղծված իրավիճակի հարցով ԱԺ արտահերթ նստաշրջան հրավիրելու նախաձեռնության տակ այս պահին համաձայնել են ստորագրել՝ Թեւան Պողոսյանը, Զարուհի Փոստանջյանը, Լեւոն Զուրաբյանը, Խաչատուր Քոքոբելյանը, Ռուբիկ Հակոբյանը, Ալեքսանդր Արզումանյանը:

Անհրաժեշտ է եւս 37 պատգամավորի ստորագրություն»:

Նշենք, որ ԱԺ արտահերթ նիստ գումարվում է պատգամավորների ընդհանուր թվի մեկ/երրորդով, այսինքն 44 պատգամավորների ստորագրությամբ։