Մարդու իրավունքների պաշտպանն անթույլատրելի է համարում առանց պատշաճ բացատրության եւ հիմքերի ներկայացման քաղաքացիներին բերման ենթարկելը:
«Հիշեցնում ենք, որ ՀՀ Սահմանադրության համաձայն՝ անձնական ազատությունից զրկված յուրաքանչյուր ոք իրեն հասկանալի լեզվով անհապաղ պետք է տեղեկացվի ազատությունից զրկվելու պատճառների մասին: Սահմանադրության այս նորմը գործում է անմիջականորեն եւ ենթակա է անվերապահ կատարման:
Տեղեկացնում ենք, որ Մարդու իրավունքների պաշտպանի աշխատակազմ ստացված հաղորդումների եւ լրատվության միջոցների հրապարակումների հիման վրա ներկայում այցելություններ են կատարվում հավաքի վայր եւ Ոստիկանության համապատասխան ստորաբաժանումներ:
Պաշտպանի աշխատակազմը շարունակում է աշխատել շուրջօրյա ռեժիմով եւ ռեսուրսների ողջ ծավալով»,- ասվում է ՄԻՊ աշխատակազմի հայտարարության մեջ: