ՀՀ ոստիկանության ՊՊԾ գունդը գրոհած «Սասնա ծռեր» զինված խումբը քիչ առաջ ազատ է արձակել հուլիսի 27-ի լուսադեմից ՊՊԾ տարածքում գտնվող բուժակ Դավիթ Տոնոյանին: Այս մասին NEWS.am-ի հետ զրույցում ասաց ՀՀ առողջապահության նախարարի մամուլի խոսնակ Անահիտ Հայթայանը:
Նշենք, որ ոստիկանության պաշտոնական հայտարարության համաձայն՝ բժիշկների պատանդ են պահում «Սասնա ծռեր» խմբի անդամաները։ Իսկ Հիմնադիր խորհրդարանի ներկայացուցիչ Ալեք Ենիգոմշյանը պնդում է, որ նրանք պատանդներ չեն, եւ «Սասնա ծռեր» խումբը պատրաստ է նրանց բաց թողնել, եթե առողջապահության նախարար Արմեն Մուրադյանի գլխավորությամբ փոխարինող բժիշկների խումբ այցելի՝ ՊՊԾ գնդի տարածք։
Ավելի վաղ առողջապահության նախարարությունը հայտնել էր, թե իրենց մասնագիտական պարտքը կատարելու նպատակով ՊՊԾ գնդի տարածք մուտք գործած «Շտապօգնություն» ՓԲԸ բուժաշխատողների` երկու բժշկի` Նորայր Թեւանյանին ու Սալվադոր Խեչոյանին, բուժակ Դավիթ Տոնոյանին, բուժքույր Մալինա Մարգարյանին զինյալ խմբի անդամները պատանդ են վերցրել:
