Երեւանում 28-ամյա ծննդկան է մահացել: Հուլիսի 26-ին»Սլավմեդ» բժշկական կենտրոնում կեսարյան հատումով երեխա ունեցած կնոջ վիճակը վատացել է, նրան այսօր վաղ առավոտյան տեղափոխել են Հանրապետական հիվանդանոցի վերակենդանացման բաժանմունք, որտեղ էլ ժամեր անց կինը մահացել է:
«Ռեանիմացիայի կարիք կար, տեղափոխեցինք բազմապրոֆիլ հիվանդանոց»,- NEWS.am-ի թղթակցին ասաց «Սլավմեդ»ԲԿ-ի ծննդատան վարիչ Վարդան Ռափյանը` հորդորելով այլ մանրամասներ ճշտել այն հիվանդանոցից, որտեղ ծննդկանը մահացել է:
Նշենք, որ կնոջ առաջին ծննդաբերությունն էր: Երեխայի վիճակը բավարար է: