News
Լրահոս
News
Հինգշաբթի
Մարտ 28
Տեսնել լրահոսը

Արդեն 12-րդ օրն է, ինչ Երեւանի Խորենացի փողոցում «Սասնա ծռեր» զինված խումբը գրոհով վերցրել է ոստիկանության ՊՊԾ գունդը։

Այս պահին Խորենացի փողոցում հանգիստ է, գիշերվա ընթացքում եւս միջադեպեր չեն գրանցվել: Նախօրեին ողջ օրվա ընթացքում ոստիկանները Խորենացի փողոցից բերման են ենթարկել բազմաթիվ քաղաքացիների, բոլոր նրանց, որոնք օրվա ընթացքում մոտենում էին ոստիկանական պատնեշին հարակից տարածքին: Երեկոյան Խորենացի փողոց է այցելել ԱԻՄ նախագահ Պարույր Հայրիկյանը եւ հակաճգնաժամային խորհրդի նախաձեռնող խմբի անունից հայտարարել, որ որոշվել է հավաքվել Ազատության հրապարակում: Արդեն Ազատության հրապարակում հայտնի է դարձել, որ նախաձեռնող խմբի մեծ մասին բերման են ենթարկել: Մասնավորապես, «Հիմնադիր խորհրդարանի» անդամ Ալեք Ենիգոմշյանը բերման է ենթարկվել ԱԱԾ: Ալբերտ Բաղդասարյանը հայտարարել է, թե նախաձեռնող խումբը «գլխատվել է», ամեն րոպե կարող են բերման ենթարկել իրեն եւ խմբի՝ ազատության մեջ մնացած անդամներին։ 

Հայտնի է դարձել, որ ոստիկանները բերման են ենթարկել քաղաքագետ Անդրիաս Ղուկասյանին եւ «Ոտքի, Հայաստան» նախաձեռնության անդամ Դավիթ Հովհաննիսյանին։

Բերման է ենթարկվել նաեւ կանադահայ դերասանուհի Արսինե Խանջյանը՝ հայտնի ռեժիսոր Ատոմ Էգոյանի կինը: Նրան պահել են ոստիկանության ներքին զորքերի զորամասում,  մոտից խլել են հեռախոսը եւ շուրջ 3 ժամ հետո ազատ արձակել: Նրա փաստաբան Արամազդ Կիվիրյանը նշել է, որ Ոստիկանության ներքին զորքերի զորամասում այդ պահին կա Խորենացի փողոցից բերման ենթարկված շուրջ 80 քաղաքացի:

Հայտնի է դարձել, որ ձերբակալվել է Գյումրիի «Ասպարեզ» ակումբի ղեկավար Լեւոն Բարսեղյանը: Նրա դեմ քրգործ է հարուցվել Քրօրի 235 4-րդ մասով (ապօրինի կերպով սառը զենք կրելը): Նրա մոտ դանակ են գտել: 

Ազատության հրապարակից ցուցարարները երթով շարժվել են Խորենացի փողոց, որտեղ նստացույց են սկսել: Այստեղ ոստիկանությունը նախորդ օրերից մի քանի անգամ ավելի շատ ուժեր էր կենտրոնացրել։ Ոստիկանները զինված էին վահաններով, մահակներով, սաղավարտներով։

Ոստիկանության փոխգնդապետ Այվազյանը ցուցարարներին հայտնել է, որ բերման ենթարկվածների մեծ մասն ազատ է արձակվել, մի մասին էլ հարուցված քրգործի շրջանակներում հարցաքննում են, եւ նրանք էլ ազատ կարձակվեն, բացի մեղադրյալներից։ Հավաքվածները սուլոցներով են ընդունել նրա հայտարարությունը։

Ի վերջո, որոշում է կայացվել նստացույցն ավարտել եւ հավաքվել հուլիսի 28-ի երեկոյան, Ազատության հրապարակում։ 

Ի աջակցություն Երեւանի ցուցարարների, երեկ տասնյակ գյումրեցիներ երթով անցել են Գյումրիի կենտրոնական փողոցներով՝ իշխանություններին ցույց տալով «դեղին քարտ»։ Երթի մասնակիցներն այս կերպ, մասնավորապես, պահանջում էին դադարեցնել անօրինական ձերբակալությունները։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել
ՀՀ նշյալ օրենքների պահանջով նա պետք է իրականացներ բացառապես այդ ծրագրի շրջանակներում տեղավորվող ներքին և արտաքին քաղաքական ուղեգիծ…
«Փաստ». Պատվավոր հյուպատոսների ավտոմեքենաներին հատկացվելու են «H» տառը պարունակող կարմիր հիմնագույնի համարանիշեր
Որոշման 2-րդ հավելվածի 28-29-րդ կետերի համաձայն՝ ՀՀ-ում հավատարմագրված դիվանագիտական...
«Հրապարակ». ՔՊ-ականներն այլեւս առաջվանը չեն. նրանց սիրտը վախ է ընկել
Ընդ որում՝ տուժողներն առաջին հերթին իրենք են լինելու, ոչ թե իշխանության վերին էշելոնի ներկայացուցիչները...
«Փաստ». Հասարակության վրա փորձում է վախ ծախել
Այ, գնաց Գյումրի, երկարաշունչ ելույթ ունեցավ իր կուսակցության «նախաձեռնող խմբի» հետ հանդիպման...
«Հրապարակ». Փաշինյանը զարմացել է, որ ժողովուրդն այսքան տարի իրենց հանդուրժում է
ՔՊ-ում տարբեր մեկնաբանություններ են տվել այդ արտահայտությանը, որ երեւի նկատի ունի այն, որ հեղափոխական...
«Ժողովուրդ».«Ամիօ բանկ»-ը վերաբրենդավորումից հետո սկսել է ֆիզիկական և իրավաբանական անձանց հարկադիր սնանկացման գործընթաց
«Ժողովուրդ» օրաթերթը դատական տեղեկատվական համակարգից տեղեկացավ, որ նոր անվանափոխված «Ամիօ»...
Ամենաշատ