Ավստրալիայի ոստիկանությունը հետաքննություն է վարում Վատիկանի՝ տնտեսական հարցերով պետքարտուղար, ավստրալացի կարդինալ Ջորջ Փելլի նկատմամբ մանկապղծության կասկածանքով, հայտնում է AFP–ն։
«Մենք հետաքննում ենք գործը, հետաքննությունը դեռ ընթանում է»,– ասել է Ավստրալիայի Վիկտորիա նահանգի ոստիկանության ներկայացուցիչ Գրեմ Էշթոնը։ Նրա խոսքով՝ մեղադրանք ներկայացնելու որոշում դեռ չկա։
ABC հեռուստաընկերության փոխանցմամբ՝ հետաքննություն ընթանում է արդեն մեկ տարի։ Փելլի հասցեին հնչող մեղադրանքները վերաբերում են 1970-1990-ական թթ.։