«Հիմնադիր խորհրդարանի» անդամ Ալեք Ենիգոմշյանը ձերբակալվել է: Այս մասին NEWS.am-ի հետ զրույցում նշեց նրա փաստաբան Նիկոլայ Բաղդասարյանը:
Ենիգոմշյանը կասկածվում է հուլիսի 17-ին ոստիկանության պարեկապահակային ծառայության (ՊՊԾ) գնդի տարածքը գրաված զինված խմբին օժանդակելու մեջ։
Նա այժմ պահվում է ԱԱԾ Ձերբակալվածների պահման վայրում:
Փաստաբանը նշել է, որ նախաքննական մարմինը բազմաթիվ անօրինականություններ ու խախտումներ է թույլ տվել եւ ինքը դիմել է օմբուդսմենին եւ այժմ պատրաստվում է մարդու իրավունքների պաշտպանի հետ մտնել մեկուսարան՝ խախտումները վերացնելու համար։
Ենիգոմշյանը նախօրեին բերման էր ենթարկվել ԱԱԾ:
Հուլիսի 17-ին «Սասնա ծռեր» խմբի կողմից ոստիկանության ԱԱԾ գունդը գրավելուց հետո Ենիգոմշյանը հանդիպել էր Ժիրայր Սեֆիլյանի հետ եւ մասնակցում էր իշխանությունների հետ ընթացող բանակցություններին:
Նշենք, որ Ալեք Ենիգոմշյանը Հայաստանի ազատագրման հայ գաղտնի բանակի անդամ է, նա նաեւ «Հիմնադիր խորհրդարանի» անդամ է: 1980թ. Ժնեւում նրա ձեռքին նռնակ է պայթել, որի հետեւանքով կտրվել է ձեռքը եւ կորցրել է տեսողությունը: