Ստեփանակերտում հունիսի 6-ին արցախցի պատգամավոր Հայկ Խանումյանին ծեծելու գործով նշանակված փորձաքննություններից եւ ոչ մեկի պատասխանը չի ստացվել: Այս մասին NEWS.am-ի թղթակցին ասաց Խանումյանի փաստաբան Հայկ Ալումյանը:
«Քննչական որեւէ գործողություն չի կատարվում: Ես բողոքներ եմ ներկայացրել Արցախի գլխավոր դատախազին եւ մարդու իրավունքների պաշտպանին, սակայն նրանցից էլ ոչ մի պատասխան առ այսօր չեմ ստացել»,- ասաց Հայկ Ալումյանը:
Նշենք, որ այս գործով որեւէ առերեսում էլ չի կատարվել, նույնիսկ դեպքի վայրի տեսագրությունները տուժողին չեն տրամադրվել:
Հիշեցնենք, որ Հայկ Խանումյանին ծեծել են 2016 թվականի հունիսի 6-ին: Այս գործոով երեք մեղադրյալ կա, բոլորն էլ կալանավորված են: Նրանցից երկուսը Ստեփանակերտից են, մեկը` Երեւանից: