Հայաստանի ԱԻՆ-ում, այսօր՝ հուլիսի 28-ին, ժամը 10.20-ին տեղեկություն է ստացվել, որ Զանգեր-Սարավան ավտոճանապարհին տեղի է ունեցել ավտովթար. անհրաժեշտ է օգնություն:
Դեպքի վայր են մեկնել մարզային ճգնաժամային կառավարման կենտրոնի օպերատիվ խումբը եւ մեկ մարտական հաշվարկ:
Պարզվել է, որ Երեւան-Մեղրի ավտոճանապարհի 167-րդ կմ-ին «Grand Cherokee» մակնիշի 69 CC 696 համարանիշի ավտոմեքենան դուրս է եկել ճանապարհի երթեւեկելի հատվածից եւ շրջվել ձորը:
Փրկարարները հատուկ տեխնիկայի միջոցով ավտոմեքենան դուրս են բերել ճանապարհի երթեւեկելի հատված, հոսանքազրկել են ավտոմեքենան եւ փակել գազի բալոնի փականը: