Ոստիկանության պարեկապահակային պահպանության ծառայության գնդի տարածքում հուլիսի 26-ին ուշ երեկոյան վիրավորված, «Սասնա ծռեր» խմբի անդամ Պավլիկ Մանուկյանի վիճակը կայուն ծանր է, սակայն կա դրական տեղաշարժ: Այս մասին NEWS.am-ին հայտնեցին առողջապահության նախարարության մամուլի ծառայությունից:
Պավլիկ Մանուկյանն ինքնուրույն է շնչում, սակայն դեռեւս գտնվում է Վերակենդանացման բաժանմունքում, քանի որ բուժման անհրաժեշտություն կա այնտեղ:
Նշենք, որ Պավլիկ Մանուկյանը հիվանդանոց է ընդունվել զույգ ազդրերի հրազենային վնասվածքներով, աջ ազդոսկրի բազմաբեկոր կոտրվածքով։ Կատարվել է վերքի առաջնային վիրաբուժական մշակում, նաեւ ոսկրի ֆիքսացիա։
Հուլիսի 27-ին նրան մեղադրանք է առաջադրվել: Խափանման միջոց դեռ ընտրված չէ: