Տավուշի մարզի Չինչին գյուղի 82-ամյա բնակիչ Խորեն. Կ-ին կորելուց չորս օր անց դեռ չեն գտել: NEWS.am-ի հետ զրույցում Չինչինի գյուղապետարանի հաշվապահ Գագիկ Գաբրիելյանը նշեց, որ ամեն օր վաղ առավոտից շարունակվում են տարեց տղամարդու որոնողական աշխատանքները: Նա նշեց, որ 82-ամյա բնակիչը հիշողության հետ խնդիրներ է ունեցել եւ Վարդավառի օրը, երբ գյուղը նշել է տոնը, նա հարմարեցրել է տնից դուրս գալ: Գագիկ Գաբրիելյանը նշեց, որ Խորեն Կ.-ն գյուղում բնակվում է իր որդու ընտանիքի հետ:
Ավելի վաղ տեղեկացրել էինք, որ հուլիսի 24-ին կորել է Տավուշի մարզի Չինչին գյուղի 82-ամյա բնակիչ: