Սիրիայի կառավարական բանակը աշխարհազորային ջոկատների հետ լիակատար վերահսկողություն է սահմանել Հալեպի Բենի Զեյդ թաղամասում։ Սակրավորները սկսել են պայթուցիկների որոնման ու վնասազերծման աշխատանքները։
ՍԱՆԱ գործակալության փոխանցմամբ՝ հարյուրավոր քաղաքացիներ դուրս են եկել Հալեպի փողոցներ՝ իրենց ուրախությունը հայտնելով Բենի Զեյդ թաղամասի ազատագրման կապակցությամբ։ Այս հաջողությունը նպաստել է նաեւ Աս Սեքան աշ Շաբաբի թաղամասի ավտոկայանի եւ Ալ Լերմոնի արդյունաբերական գոտու անվտանգության ապահովմանը։