ԱՄՆ Ջորջիա նահանգի բնակիչ՝ Ռոնի Մյուզիկը, որը 2015-ի փետրվարին վիճակախաղում շահել էր 3 մլն դոլար, ձերբակալվել է թմրաբիզնեսի մասնակցության համար: ABC News-ի տեղեկություններով՝ 45-ամյա տղամարդը ընդունել է իր մեղավորությունը:
Քննիչների տվյալներով՝ ամերիկացին «համաձայնություն է ձեռք բերել այլ անձանց հետ մետամֆետամին պահելու եւ տարածելու համար»:
Մյուզիկի հանցակիցներին բռնել էին 2015-ի սեպտեմբերին 500 հազար դոլար արժողության 11 ֆունտ (մոտ 5 կիլոգրամ) մետամֆետամին վաճառելու փորձի ժամանակ: Խուզարկության ժամանակ իրավապահ մարմինների աշխատակիցները առգրավել են 1 մլն դոլար արժողության թմրանյութ, հրազեն, հազարավոր փամփուշտներ, մի քանի ավտոմեքենա եւ առձեռն 600 հազար դոլար:
Մյուզիկի նկատմամբ դատավճիռ կկայացնի Ջորջիայի Հարավային շրջանի դատարանը: Նրան սպառնացող առավելագույն պատիժը ցմահ ազատազրկումն է: