ԱՄՆ–ը ոչ մեկի կողմը չի անցնում Հարավչինական ծովի կղզիների տարածքային պատկանելության հարցում։ Այս մասին ասել է ԱՄՆ պետքարտուղար Ջոն Քերրին Ֆիլիպինների ԱԳ նախարար Պերֆեկտո Յասայի հետ համատեղ մամուլի ասուլիսի ժամանակ, փոխանցում է «Սինհուա»–ն։
Քերրին ընդգծել է Հարավչինական ծովի հարցով արբիտրաժի որոշման էջը շրջելու անհրաժեշտությունը եւ նշել է, որ անհրաժեշտ է բանակցություններ վարել ներգրավված կողմերի հետ։ Պետքարտուղարը նաեւ հավելել է, որ ԱՄՆ–ը բոլոր շահագրգիռ կողմերին կոչ է անում զսպվածություն պահպանել։
