Աֆղանստանում ԻՊ-ի դեմ գործողության ընթացքում ամերիկացի հինգ զինծառայող է վիրավորվել: Ըստ Reuters-ի՝ այս մասին հաղորդել է Աֆղանստանում ԱՄՆ զորքերի հրամանատար, գեներալ Ջոն Նիքոլսոնը:
Նրա խոսքով՝ զինվորականները վիրավորվել են աֆղանական հատուկ ծառայությունների հետ Նանգանհար նահանգում ԻՊ-ի վերահսկողության ներքո գտնվող շրջանների մաքրման համատեղ գործողության ընթացքում:
Գեներալը նշել է, որ տուժածներից երկուսն արդեն վերադարձել են ծառայության, մյուսները տարհանվել են: