«Ջեբհաթ ան-Նուսրա» ահաբեկչական խմբավորումը, որը հայտնի է որպես Ալ-Նուսրայի ճակատ, հայտարարել է «Ալ-Քաիդա»-ի հետ կապերը խզելու մասին: BBC-ի հաղորդմամբ՝ խմբավորման առաջնորդ Աբու Մոհամմեդ ալ-Ջուլանին հայտարարել է, որ այսուհետ խմբավորումը կոչվելու է Ջաբհաթ Ֆաթհ ալ-Շամ - Սիրիայի նվաճման ճակատ:
«Ալ Ջազիրա» հեռուստաալիքի եթերում հեռարձակված տեսագրությունում ալ-Ջուլանին շնորհակալություն է հայտնել «Ալ-Քաիդայի հրամանատարներին՝ հարաբերությունների խզման անհրաժեշտությունը հասկանալու համար»: