Երեւանի Ազատության հրապարակում հորդառատ անձրեւի տակ մեկնարկել է հանրահավաքը՝ ի աջակցություն ՊՊԾ գունդը գրաված «Սասնա ծռեր» զինված խմբի։ NEWS.am-ի թղթակիցը հայտնում է, որ հանրահավաքը բազմամարդ է։
Նախկին ԱԺՄ-ական Ալբերտ Բաղդասարյանը շնորհավորեց «Սասնա ծռեր» խմբի անդամ Վարուժան Ավետիսյանին՝ ծննդյան օրվա կապակցությամբ։
Նշենք, որ հանրահավաքի ընթացքում պիտի որոշվեն զինված խմբին աջակցողների հետագա անելիքները։ Քաղաքագետ Անդրիաս Ղուկասյանն այսօր ավելի վաղ հայտնել էր, թե հանրահավաք լինելու է, սակայն դեռ պարզ չէ` դեպի Խորենացի փողոց երթ կլինի՞, թե՞ ոչ։
Նշենք, որ երեկ էլ հանրահավաք էր կայացել Ազատության հրապարակում, որի ընթացքում Ալբերտ Բաղդասարյանն առաջարկում էր երթ անել դեպի ոստիկանություն ու ԱԱԾ։ Նրան, սակայն, թույլ չտվեցին որոշումներ ընդունել, իսկ ցուցարարները հայտարարեցին դեպի խորենացի փողոց երթ անելու մասին։ Խորենացու փողոցում ցուցարարները մի քանի ժամ նստացույց անելուց, իրար հետ վիճելուց հետո հեռացան։