Պերուում Կոնգրեսի շենքում տեղի է ունեցել նորընտիր նախագահ Պեդրո Պաբլո Կուչինսկիի երդմնակալության արարողությունը: Այս մասին գրում է ՏԱՍՍ գործակալությունը:
Երդմնակալությանը ներկա են եղել Արգենտինայի նախագահ Մաուրիսիո Մակրին, Չիլիի նախագահ Միշել Բաչելետը, Էկվադորի նախագահ Ռաֆայել Կորեան, Մեքսիկայի նախագահ Էնրիկե Պենիա Նիետոն, Կոլումբիայի նախագահ Խուան Մանուել Սանտոսը եւ Պարագվայի նախագահ Օրասիո Կարտեսը:
Առաջիկայում կկայանա նաեւ նախարարների կաբինետի նոր անդամների երդմնակալության արարողությունը: