Ավելի քան 20 հազար մարդ նկարիչ Հովհաննես Այվազովսկու հոբելյանական ցուցահանդեսի տոմս է ձեռք բերել, որը բացվելու է հուլիսի 29-ին, Մոսկվայի Տրետյակովյան պետական պատկերասրահում: Այս մասին հաղորդել է թանգարանի տնօրեն Զելֆիրա Տրեգուլովան:
Ըստ Ինտերֆաքսի՝ ցուցադրությունը նվիրված է Այվազովսկու ծննդյան 200-ամյակին: Ներկայացվելու է 120 գեղանկար, 55 գրաֆիկական աշխատանք, արխիվային փաստաթղթեր, նավերի գծագրեր, այլ ցուցանմուշներ:
Ցուցադրությունը կտեւ մինչեւ նոյեմբերի 20-ը:
