Ուկրաինայի իրադարձությունների պատճառով Ռուսաստանի դեմ սահմանված պատժամիջոցների հարցում ԱՄՆ գործող վարչակազմի եւ նրա եվրոպական դաշնակիցների դիրքորոշումը չի փոխվել: ՏԱՍՍ-ի փոխանցմամբ՝ այս մասին հայտարարել է Սպիտակ տան պաշտոնական ներկայացուցիչ Ջոշ Էռնեստը՝ մեկնաբանելով այդ առիթով Հանրապետական կուսակցությունից ԱՄՆ նախագահի թեկնածու Դոնալդ Թրամփի վերջին հայտարարությունները:
Նրա խոսքով՝ եվրոպական գործընկերները կիսում են այդ անհանգստությունը: Հարցին, արդյո՞ք Թրամփի հայտարարություններն ԱՄՆ-ն դիվանագիտական ալիքներով քննարկել է դաշնակիցների հետ, Էռնեստը պատասխանել է, որ «նման շփումների մասին տեղեկություն չի ստացել»:
