Հայաստանի ԱԻՆ-ում, այսօր՝ հուլիսի 29-ին, ժամը 00.33-ին ահազանգ է ստացվել, որ Կոտայքի մարզի Աբովյան քաղաքի գլխավոր խաչմերուկի մոտակայքում տեղի է ունեցել ավտովթար, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Հանրապետության-Երեւանյան փողոցների խաչմերուկում բախվել են «Nissan March» մակնիշի 50 RQ 100 (վարորդ` 28-ամյա Վ. Շ.) եւ «Nissan Primera» մակնիշի 34 QN 912 համարանիշների (վարորդ` 32-ամյա Ա. Ժ.) ավտոմեքենաները:
«Nissan March»-ի ուղեւոր՝ 22-ամյա Ա. Ա.-ն հոսպիտալացվել է Աբովյանի բժշկական կենտրոն, որտեղ բժիշկները նրա առողջական վիճակը գնահատել են բավարար:
Փրկարարները հոսանքազրկել են ավտոմեքենաները, փակել գազի բալոնների փականները:
