«Ուկրօբորոնպրոմ» պետական ընկերությունում պայթյունից զոհվածների թվում են ՆԱՏՕ–ի ներկայացուցիչն ու Ուկրաինայի մեկ քաղաքացի։ Այս մասին հայտնում է «Պոդրոբնոստի» կայքը՝ վկայակոչելով դատախազության ներկայացուցիչ Տատյանա Միրոնենկոյին։
«Կա 3 զոհ, որոնց թվում ՆԱՏՕ–ի ներկայացուցիչը, ով հետեւում էր հրթիռների մարտագլխիկների օգտահանման աշխատանքներին»,– գրել է նա Facebook–ում։
Պայթյուն պատճառը կարող է լինել պաշտոնյաների անփությունը։ Այս մասին ասել է Սումիի մարզի ռազմական դատախազի ժ.պ Ալեքսեյ Լյաշենկոն, փոխանցում է «112 Ուկրաինան»։ Նրա խոսքով՝ նախնական վարկածը վտանգավոր աշխատանքի իրականացման ժամանակ բարձրաստիճան պաշտոնյաների անփույթ վերաբերմունքն է եղել։
Նշենք, որ պայթյունից ծանր վիրավորվել է եւս 2 մարդ։
