ՀՀ կառավարությունը պետական բյուջեին կտրամադրի միջոցները, որոնք «Գազպրոմ Արմենիան» ստացել է ռուսական գազի համար սահմանին սահմանված սակագնից ավելի գանձելու հաշվին։ Այս մասին որոշումն ընդունվել է հուլիսի 29-ին՝ կառավարության նիստում։
Ինչպես նշել է էներգետիկայի եւ բնական պաշարների փոխնախարար Իոսիֆ Իսայանը, ըստ հայ–ռուսական համաձայնագրի՝ Հայաստանը ապրիլի 1-ից Ռուսաստանից գազ է ստանում 2 հազար խ/մ–ի դիմաց 150 դոլարով նախկին 165 դոլարի փոխարեն։ Իջեցված սակագինը վերջնական սպառողի համար ուժի մեջ է մտել միայն հուլիսի 1-ից։ Ապրիլից հուլիս «Գազպրոմ Արմենիան» Ռուսաստանից գազ էր ստանում արդեն նոր իջեցված սակագնով, բայց գանձում էր հին սակագները, եւ այդ տարբերությունը կազմել է 3 մլրդ 744 հազար դոլար։
Այդ միջոցները կփոխանցվեն պետբյուջե, իսկ այդտեղից՝ «Գազպրոմ Արմենիայի» առաջ Երեւանի ՋԵԿ–ի վարկային պարտավորությունների մարմանը։
