Ռուսաստանը Թուրքիայի հետ քննարկում է «Թուրքական հոսքի» երկու գծերի շինարարությունը, որտեղ երկրորդի նպատակը եվրոպացի սպառողներին գազ ապահովելն է, ասել է ՌԴ էներգետիկայի նախարար Ալեքսանդր Նովակը, փոխանցում է Reuters–ը։
Նրա խոսքով՝ խոսքը հիմա երկու գծի շինարարության մասին է։ Երկրորդ գիծը եվրոպացի սպառողների համարն է՝ եվրոպական երկրների հարավարեւմտյան սպառողների։ Այս գիծը կարող է անցնել Սեւ ծովի հատակով Թուրքիայի տարածքով։ «Թուրքիան մեծ դեր է խաղալու որպես տարանցիկ երկիր, որպեսզի ապահովի գազի մատակարարումները եվրոպացի սպառողներին»,– ասել է Նովակը։
Հիշեցնենք, որ Սեւ ծովով Եվրոպա գազատարի նախագծի շինարարությունը կանգնեցվել էր ռուս–թուրքական սրված հարաբերությունների պատճառով։