Թուրքիայի քրդական «Ժողովուրդների դեմոկրատական» (HDP) կուսակցության պատգամավորներ Չաղլար Դեմիրելն ու Իդրիս Բալուքենը առաջարկել են 2014–ին Իրաքում ԻՊ–ի կողմից եզդիների կոտորածը ճանաչել որպես ցեղասպանություն։
Թուրքական Evrensel–ի փոխանցմամբ՝ HDP–ի պատգամավորներ Չաղլար Դեմիրելն ու Իդրիս Բալուքենը հայտարարել են, թե «Իսլամական պետություն»–ը Իրաքում եզդիների նկատմամբ ցեղասպանություն է իրականացրել։ Քուրդ պատգամավորները թուրքական խորհրդարանին են ներկայացրել եզդիների կոտորածը ցեղասպանություն ճանաչելու օրինագիծ։