ԱՄՆ փոխնախագահ Ջո Բայդենը կնկարահանվի «Օրենք եւ կարգ. հատուկ կորպուս» հայտնի ամերիկյան սերիալում։ АР–ի փոխանցմամբ՝ Բայդենի մասնակցությամբ դրվագի նկարահանումները կկայանան հուլիսի 29–ին Նյու Յորքում։
Բայդենը կնկարահանվի մի դրվագում, որը նվիրված է կնոջ նկատմամբ սեռական բռնությանը։ Նշենք, որ փոխնախագահը սերիալի աստղ Մարիշկա Հարգիթեյի հետ բազմիցս այցելել է միջոցառումներ, որոնց ժամանակ քննարկվել է այդ խնդիրը։ Դեռեւս հայտնի չէ, թե երբ Բայդենի մասնակցությամբ դրվագը կհայտնվի NBC հեռուստաընկերության եթերում։
