Իրանը կկարողանա երկու- եեք ամսից վերականգնել նավթի արդյունահանման մինչպատժամիջոցային մակարդակը, հայտնել է կապի ու տեղեկատվական տեխնոլոգիաների նախարար, ռուս-իրանական միջկառավարական հանձնաժողովի իրանցի համանախագահ Մահմուդ Վաեզին, հայտնում է «Ինտերֆաքսը»:

Հիմա Իրանը օրական 3.8 մլն բարել նավթ է արդյունահանում, իսկ արտահանում է մոտ 2 մլն: Այս պահին Իրանը վերահսկում է ՝ մինչեւ 2012-ին երկրի նավթային ոլորտի դեմ պատժամիջոցների խստացումը երկրի զբաղեցրած շուկայի չորս հինգերորդը:

Հեռանկարում Իրանի իշխանությունները մտադիր են ավելացնել նավթի արտասահմանյան մատակարարումները  առնվազն մինչեւ օրական 4 մլն-ի: 2021 թ. Իրանը մտադիր է նավթի ու խտանյութերի արդյունահանումը հասցնել օրական 5.8 մլն բարելի: Ընթացիկ տարվա սկզբից ածխաջրածինների արտադրությունը 25 տոկոսով ավելացել է: Մինչեւ 2016-ի վերջը ակնկալվում է արդյունահանումը հասցնել օրական 4 մլն բարելի ՝ վերջին ութ տարվա առավելագույնին: