Ադրբեջանը ՄԱԿ–ին է ներկայացրել ապրիլյան ագրեսիայի ժամանակ կորուստների մասին կեղծ տվյալներ։
2016-ի հուլիսի 8-ին ՄԱԿ Գլխավոր քարտուղարությանն ուղղված նամակում կազմակերպությունում Ադրբեջանի մշտական ներկայացուցիչ Յաշար Ալիեւը ներկայացրել է հերթական կեղծ տվյալները Ադրբեջանի կողմից, որը հենց այդ ագրեսիայի հրահրողն էր։ Հայկական կողմից հրադադարի ռեժիմի «խախտումների» քանակը, ըստ Ալիեւի, ապրիլին կազմել է 4274։ Շատ տարօրինակ «օրինաչափությամբ» Ադրբեջանի ՊՆ տեղեկություններով՝ ամենօրյա «խախտումները» միշտ գրեթե նույն քանակությամբ են լինում։
Եթե հաշվենք ամբողջ ապրիլին ամենօրյա «խախտումների» մասին ՊՆ տվյալները, ստացվում է 3598։ 4274-3578=676։
Իհարկե, կան հանրահաշվից հեռու մարդիկ։ Բայց մեկը պետք է գլուխ հանի պարզագույն հանրահաշվական գործողությունից ԱԳՆ–ում կամ ՊՆ–ում։ Մյուս կողմից, Ադրբեջանի ԱԳ նախարարի խոսքով, իր ենթականերն, առանց իր գիտության, քայլեր են կատարում։ Ամենայն հավանականությամբ, այս անգամ Մամեդյարովը նույնպես տեղյակ չի եղել այդ նամակի բովանդակության մասին։
Նամակում ասվում է, որ ս.թ. ապրիլին մարտական գործողություններից ադրբեջանական բանակի կորուստները հետեւյալն են՝ 23 վիրավոր, եւ 6 սպանված…
Իհարկե ամեն բան լավ կլիներ, եւ միգուցե կեղծարարությունը հնարավոր լիներ չնկատել, բայց այդ նույն պաշտոնական աղբյուրների համաձայն՝ Ադրբեջանին Լեռնային Ղարաբաղը վերադարձրել է 13 դիակ, եւս 37 դիակ շփման գծից հավաքել է Ադրբեջանի ԶՈւ–ն ԿԽՄԿ միջնորդությամբ։
Այսպես՝ 37+13 հավասար է 50։ Եվ դա դեռ չհաշված ադրբեջանական դիրքերում սպանվածները։ Ավելին՝ անհեթեթություն է ենթադրել որ զոհվածների թիվը կարող է ավելի քան կրկնակի գերազանցել վիրավորների թվին։
Իհարկե դժվար է հասկանալ, թե ինչ նպատակ է հետապնդում Բաքուն՝ աբսուրդի հասցնելով իր իկ սադրած ագրեսիայի ժամանակ իսկական կորուստների մասին տեղեկությունները ։ Ենթադրենք, որ Ադրբեջանի ԶՈւ կորուստները կազմել են ընդամենը 6 զինվոր։ Ովքե՞ր են մնացած 44-ը։ Շատ հնարավոր է, որ դրանք վարձկաններ են կամ ԻՊ ահաբեկիչներ, որոնք վայրագություններ ու խոշտանգումներ են կատարել մարմինների նկատմամբ, ինչպես դա հարիր է ահաբեկիչներին։ Բոլոր տարբերակներն էլ հնարավոր են։ Ակնհայտ է մի բան, որ Բաքուն խճճվել է կեղծումների մեջ, եւ ով ինչ ուզում՝ գրում է։
