ՀՀ կառավարությունը «Ռուսալ–Արմենալ» ալյումինի գործարանին 3 տարով կազատի ԱԱՀ–ից Լեհաստանից փայլաթիթեղի թրծման համար վառարան ներմուծելու համար։ Այս մասին համապատասխան որոշումն ընդունվել է հուլիսի 29-ին Կառավարության նիստում։
Էկոնոմիկայի նախարար Արծվիկ Մինասյանը նշեց, որ 816 մլն դրամ արժողությամբ վառարանի ներմուծումը «Արմենալին» թույլ կտա բարձրացնել արտադրողականությունը եւ 4 նոր աշխատատեղ ստեղծել։
Նշենք, որ վերջին 3 տարում դա արդեն 3–րդ հարկային արտոնություն է, որը գործարանը ստանում է վերազինման եւ արտադրության ծավալների մեծացման համար։