Ավստրիան Ֆրանսիային կատրահանձնի «Իսլամական պետության» երկու ենթադրյալ անդամներին՝ այն խմբի անդամներին, որը ահաբեկչություններ է կազմակերպել Փարիզում 2015-ի նոյեմբերին՝ սպանվելով 130 մարդու:
29-ամյա ալժիրցին ու 35-ամյա պակիստանցին կալանավորվել են Զալցբուրգում 2015-ի դեկտեմբերին: Հուլիսի 29-ին նրանց Զալցբուրգի օդանավակայանում հանձնել են Ֆրանսիայի իշխանություններին: Երկուսն էլ Եվրոպա էին մտել իբրեւ փախստական, սակայն նրանց դեռ Հունաստանի իշխանություններն էին ձերբակալել կեղծ փաստաթղթերի համար: Ավելի ուշ նրանց ազատ էին արձակել, որից հետո նրանք նոյեմբերի վերջին՝ արդեն փարիզյան ահաբեկչություններից հետո, Ավստրիա են մեկնել: Նրանց ձերբակալել են Զալցբուրգում փախստականների համար հանրակացարանում դարձյալ կեղծ փաստաթղթերի համար, իսկ ավելի ուշ Ֆրանսիայի իշխանություններից հարցում են ստացել՝ նրանց արտահանձնելու վերաբերյալ, քանի որ երկուսն էլ կասկածվում են փարիզյան ահաբեկիչների հետ կապերի մեջ, հայտնում է DW–ն:
Ավստրիայում կալանքի տակ են մնում ԻՊ եւս երկու ենթադրյալ կողմնակիցներ՝ 25-ամյա մարոկացին ու 40-ամյա ալժիրցին, որոնք նույնպես հավանաբար կապ ունեին փարիզյան ահաբեկիչների հետ: