Նիդեռլանդներում «Հիզմեթ» շարժման գաղափարակիր Ֆեթուլահ Գյուլենի կողմնակիցները վախենում են իրենց անվտանգության համար այն տասնյակ սպառնալիքների համատեքստում, որ ստանում են Թուրքիայում կատարված հեղաշրջման փորձից հետո, հայտնում է Reuters–ը:
Նիդերլանդներում «Հիզմեթ» կազմակերպության ղեկավար Սանիա Կալկինը հայտնել է, որ իրենք ձգտում են ավելի զգոն լինել մահվան, ֆիզիկական հաշվեհարդարի, հրկիզման ու բարբարոսության սպառնալիքներ ստանալուց հետո: «Նրանք հետապնդում են սկսել, որը լարվածությունն է առաջացնում հոլանդաբնակ թուրքերի միջեւ»,- համարում է նա: Նրա կարծիքով, այդ ամենը վկայում է Թուրքիայի նախագահ Ռեջեփ Թայիփ Էրդողանի միջամտության մասին, ինչը սպառնալիքի տակ է դնում ազատությունն ու անվտանգությունը: Կալկինը նշել է, որ սպառնալիքների մասին իրենք հայտնել են ոստիկանություն, ու որ նման միջադեպեր են եղել նաեւ Գերմանիայում: