Ոստիկանության ՊՊԾ գնդում գտնվող բժիշկներն առաջին օգնությունն են ցուցաբերել այսօր՝ հուլիսի 29-ին, վիրավորված «Սասնա ծռերի» անդամ Արայիկ Խանդայանին՝ «Միայնակ գայլին»: Այս մասին իր ֆեյսբուքյան էջում գրել է ՀՀ առողջապահության նախարարի մամուլի խոսնակ Անահիտ Հայթայանը:
«Մեր ունեցած տեղեկություններով ՀՀ ոստիկանության ՊՊԾ գնդում պատանդառված բժիշկներն առաջին բուժօգնություն են ցուցաբերել զինյալ խմբի վիրավորված անդամին։ Խնդրում եմ զերծ մնալ չստուգված, չհաստատված լուրերից եւ հետեւել պաշտոնական հաղորդագրություններին»,- նշել է նա:
«Սասնա ծռեր» խմբավորման ֆեյսբուքյան էջն էլ հայտնում է, թե Արայիկ Խանդոյանը ոսկրի վիրավորում չի ստացել, մկանային վիրավորում է:
Ավելի վաղ տեղեկացրել էինք, որ այսօր վիրավորվել է Ոստիկանության ՊՊԾ գունդը գրոհած «Սանա ծռեր» զինված խմբի անդամ Արայիկ Խանդոյանը` «Միայնակ գայլը»: