Ոստիկանության պարեկապահակային գնդի տարածքից քիչ առաջ երկու վիրավորի են տեղափոխել «Էրեբունի» բժշկական կենտրոն:
NEWS.am-ի թղթակիցը հաղորդում է, որ իրավապահները թույլ չեն տվել տեսանկարահանել վիրավորներին: Հայտնի է միայն, որ այսօր վիրավորված Արայիկ Խանդոյանը նրանց մեջ չէ:
Առողջապահության նախարարության մամուլի ծառայությունից էլ հայտնում են, որ ՀՀ ոստիկանության ՊՊԾ գնդում պատանդառված բժիշկներն առաջին բուժօգնություն են ցուցաբերել զինյալ խմբի վիրավորված անդամին։
Ոստիկանության լրատվության վարչության պետ Աշոտ Ահարոնյանն էլ հայտնել է, թե Արայիկ Խանդոյանի վիրավորումից հետո գնդի տարածքից կրակահերթերը շարունակվել են: Իրավապահների պատասխան կրակից վիրավորվել են կրակոց արձակողներից ևս երկուսը: Նրանց ցուցաբերվում է պատշաճ բուժօգնություն։