Հայտնի են վիրավորված եւ «Էրեբունի» ԲԿ տեղափոխված, «Սասնա ծռեր» խմբի անդամների անունները։ Ոստիկանության լրատվության վարչության պետ Աշոտ Ահարոնյանը Facebbok-ի իր էջում գրել է, թե ՊՊծ գնդի տարածքից կրակահերթեր արձակած եւ իրավապահների պատասխան կրակից վիրավորված Արթուր Մելքոնյանն ու Արմեն Լամբարյանը տեղափոխվել են հիվանդանոց եւ անհրաժեշտ բուժօգնություն են ստանում:
Ավելի վաղ NEWS.am-ը հայտնել էր, թե Ոստիկանության պարեկապահակային գնդի տարածքից երկու վիրավորի են տեղափոխել «Էրեբունի» բժշկական կենտրոն: Իրավապահները թույլ չեն տվել տեսանկարահանել վիրավորներին: