2016 թվականի առաջին կիսամյակի արդյունքներով՝ Volkswagen կոնցեռնն աշխարհի խոշորագույն ավտոարտադրողն է դարձել: Այս ժամանակահատվածում ընկերությունը 5.3 մլն ավտոմեքենա է արտադրել՝ առաջ անցնելով Toyota-ից, որո 5.03 մլն ցուցանիշով երկրորդ տեղում է:
Ըստ Motor-ի, երրորդ հորիզոնականում General Motors-ն է, սակայն ընկերության գրանցած արդյունքները դեռեւս չեն հրապարակվել:
Հունվարից հունիս Volkswagen-ը 5.19 մլն ավտոմեքենա է արտադրել, ինչը նախորդ տարվա համեմատ ավելի է 1.5%-ով: Toyota-ն՝ ներառյալ Lexus, Daihatsu եւ Hino մեքենաները, իրացրել է 4.99 մլն: Փորձագետների խոսքով՝ պատճառը Լատինական Ամերիկայի շուկայում պահանջարկի կտրուկ նվազումն է:
Volkswagen-ն առաջատար է դարձել՝ չնայած «դիզելային սկանդալին», որի առանցքում ավելի քան 11 մլն մեքենա հայտնվեց ամբողջ աշխարհում: ԱՄՆ-ում ավտոարտադրողը ստիպված կլինի 475 հազար ավտոմեքենա հետ գնել՝ դրանց սեփականատերերին որպես փոխհատուցում 5100-ից մինչեւ 10 հազար դոլար վճարելով:
Եվրոպայում, սակայն, գերմանական ընկերությունը հրաժարվել է մեքենաների տերերին փոխհատոցում վճարել: