«Ջեբհաթ ան-Նուսրա»-ն, անկախ անվանումից, ահաբեկչական խմբավորում է մնում, եւ ԱՄՆ-ն կոալիցիոն դաշնակիցների հետ միասին շարունակելու է ռմբակոծել նրա դիրքերի ուղղությամբ: Ըստ ՌԻԱ Նովոստիի՝ այս մասին հայտարարել է ԱՄՆ Պենտագոնի պաշտոնական ներկայացուցիչ Փիթեր Քուքը:
Ճեպազրույցի ժամանակ լրագրողները Քուքին խնդրել են մեկնաբանել «Ալ-Քաիդա»-ի հետ կապերը խզելու մասին «Ջեբհաթ ան-Նուսրա»-ի հայտարարությունը, որի սիրիական մասնաճյուղն էր մինչեւ հիմա, եւ «Ջեբհաթ Ֆաթահ աշ-Շամ» կոչվելու մտադրությունը:
«Անվան փոփոխությունը գործողությունների փոփոխություն չի նշանակում: Այդ խմբավորումը շարունակում է ահաբեկչական մնալ»,- ասել է Քուքը:
2011 թվականից Սիրիան զինված հակամարտության մեջ է, որի հետեւանքով, ՄԱԿ-ի տվյալներով, ավելի քան 280 հազար մարդ է զոհվել: Կառավարական զորքերին դիմակայում են տարբեր զինված կազմավորումներ, այդ թվում՝ «Իսլամական պետություն» եւ «Ջեբհաթ ան-Նուսրա» խմբավորումները:
