Գերմանիայում իրականացված մի քանի հարձակումներից հետո անցկացված հարցման մասնակիցների 63%-ը նշել է, որ չի վախենում նման հարձակման վայրում գտնվելուց: Այս մասին գրում է Spiegel-ը:
Բավարիայում շուրջ մեկ շաբաթվա ընթացքում դաշնային մակարդակով մի քանի դեպք պատահեց. Վյուրցբուրգում հարձակում գնացքի ուղեւորների վրա, 9 մարդու գնդակահարություն Մյունխենում, պայթյուն Անսբախում: Վյուրցբուրգում եւ Անսբախում միջադեպերի հեղինակները փախստականներ էին:
Նման իրավիճակում դեպքի վայրում հայտնվելու մտավախություն է հայտնել հարցվածների 36%-ը:
Միաժամանակ, հարցման մասնակիցների 47%-ը կապ է տեսնում նշված իրադարձությունների եւ փախստականների հանդեպ Գերմանիայի քաղաքականության միջեւ, 48%-ն էլ կարծում է, որ նման կապ չկա:
Ըստ ՌԻԱ Նովոստիի՝ TNS Forschung ընկերությունը հարցումն անցկացրել է հուլիսի 26-27-ին, 942 մարդու շրջանում: