ՊՊԾ գնդում վիրավորված, «Սասնա ծռեր» խմբի անդամ Արմեն Լամբարյանի առողջական վիճակը կայուն է։
«Էրեբունի» բժշկական կենտրոնի գլխավոր տնօրեն Միքայել Մանուկյանի խոսքով, Լամբարյանի վիրահատությունը ավարտվել է, նա հիմա գտնվում է վերակենդանացման բաժանմունքում։
Մանուկյանի խոսքով, «Էրեբունի» հիվանդանոց տեղափոխված 16 անձանցից ամենածանրը մի ոստիկանի վիճակն է։ Նա հրազենային վնասվածք է ստացել որովայնի շրջանում։
Նշենք, որ հուլիսի 29-ին ՊՊԾ գնդում վիրավորվել էին Արայիկ Խանդոյանը (Միայնակ Գայլ), Արմեն Լամբարյանն ու Արթուր Մելքոնյանը։ Լամբարյանին եւ Մելքոնյանին տեղափոխել էին «Էրեբունի» բժշկական կենտրոն։
