Իսպանիայի կառավարությունը փորձում է քրեական հետապնդում սկսել Կատալոնիայի խորհրդարանի խոսնակի դեմ, որը քվեարկել է Իսպանիայից անկախանալու գործընթացը շարունակելու օգտին, հայտնում է BBC–ն։
Ժամանակավոր կառավարության փոխվարչապետ Սորայա Սաենս դե Սանտամարիան հայտնել է, որ նախարարների կաբինետը Գերագույն դատարանին կոչ է արել չեղարկել հուլիսի 27-ին ընդունած բանաձեւը եւ գնահատել Կատալոնիայի խորհրդարանի խոսնակ Կարմե Ֆորկադելի գործողությունների օրինականությունը, որը թույլ է տվել անցկացնել Իսպանիայից անկախանալու որոշման հարցով քվեարկությունը։
Կատալոնիայի խորհրդարանը հուլիսի 27-ին հավանություն էր տվել ինքնավար մարզը Իսպանիայի կազմից դուրս գալու պլանին, որը նախատեսում է նաեւ հանրաքվեի անցկացում։
