Երեւանի Սարի թաղում գիշերը ոստիկանների եւ ցուցարարների միջեւ տեղի ունեցած բախումներից հետո Մարդու իրավունքների պաշտպանի գրասենյակի ներկայացուցիչները վաղ առավոտից իրականացվում են այցեր Ոստիկանության բաժիններ:
ՄԻՊ-ի գրասենյակից NEWS.am-ին հայտնում են, որ առկա են հաղորդումներ ինչպես քաղաքացիներին անհիմն բերման ենթարկելու, այնպես էլ նրանց նկատմամբ բռնություն գործադրելու, զանգի իրավունքը չապահովելու վերաբերյալ:
Արձանագրվել են նաեւ դեպքեր փաստաբանի մուտքը ոստիկանության բաժիններ խոչընդոտելու վերաբերյալ:
«Ոստիկանության ծառայողները չունեն որեւէ իրավունք խոչընդոտելու փաստաբանի մուտք ոստիկանության բաժին կամ բերման ենթարկվածի պահման վայր: Այս պահանջը չապահովելը օրենքի կոպիտ խախտում է: Այցերի առաջնահերթ նպատակներից է ապահովել այդ իրավունքի իրացումը»:
