Մարդու իրավունքների պաշտպան Արման Թաթոյանը պահանջում է դադարեցնել այն ոստիկանների ծառայությունը, որոնք կասկածվում են Սարի թաղում քաղաքացիներին մարմնական վնասվածքներ պատճառելու մեջ:
«ՄԻՊ-ի կողմից բարձրացվել է երեկ Սարի Թաղում տեղի ունեցած իրադարձությունների ընթացքում քաղաքացիներին մարմնական վնասվածքներ պատճառելու փաստի առթիվ Ոստիկանության ծառայողների դեմ անհապաղ քրեական գործ հարուցելու պահանջ: Պահանջ է ներկայացվել նաև անհապաղ կասեցնելու այդ արարքների մեջ կասկածվող յուրաքանչյուր ոստիկանի ծառայությունը մինչև գործի բոլոր հանգամանքների պարզումը՝ անկախ նրանից քաղաքացիական հագուստով են եղել, թե համազգեստով»,- ասվում է Պաշտպանի գրասենյակի տարածած հաղորդագրության մեջ:
