Ամստերդամի Շիփհոլ օդանավակայանում խստացվել են անվտանգության միջոցառումները ահաբեկչության սպառնալիքի պատճառով։ Օդանավակայանի անվտանգության ապահովմանը ներգրավվել են ոստիկանական ջոկատներ, սահմանապահները զննում են ավտոմեքենաները, ինչպես նաեւ բոլոր վարորդներին ու ուղեւորներին, հայտնում է DW–ն՝ վկայակոչելով ANP գործակալությունը։
Դրա պատճառով օդանավակայանի մուտքի մոտ հերթ է գոյացել, որոշ ուղեւորներ ոտքով են գնում շենքի մոտ։ Օդանավերը թռիչքներ են իրականացում սովորական ռեժիմով։ Չվերթների հետաձգման մասին տեղեկություններ չկան։ Անվտանգության միջոցառումները խստացվել են ահաբեկչության սպառնալիքի մասին օդանավակայանի ունեցած տեղեկությունների պատճառով։