Վրաստանում սոցցանցում արած գրառման հետեւանքով տեղի բնակիչը կարող է զրկվել ազատությունից: Դուիսի գյուղի բնակիչ Վախթանգ Խանգոշվիլուն, որը ձերբակալվել է Թբիլիսիում ծրագրվող պայթյունի մասին Facebook սոցցանցում արած գրառման համար, մեղադրանք է առաջադրվել ահաբեկչության իրականացման սպառնալիքի համար:
Խանգոշվիլին՝ Dau Levski կեղծանունով նախորդ օրը մի լուսանկար էր ներբեռնել, որի վրա պատկերված էր պայթյուն եւ գրված . «Վաղը ժամը 12:30-ին Թբիլիսիում հրավառություն է լինելու»: Մի քանի ժամ հետո Վրաստանի Պետական անվտանգության ծառայությունը հայտարարել է, որ քննություն է սկսում այդ կապակցությամբ, հայտնում է «Սպուտնիկ – Վրաստանը»:
Նույն օրը կայացել է Վախտանգ Խագոշվիլու, նրա ավտոմեքենայի ու տան խուզարկությունը: Հարցաքննության ընթացքում ձերբակալվածը խոստովանել է իր արածը: Քրեական գործ է հարուցվել Վրաստանի ՔՕ 11 հոդվածի 323 մասով, ինչը դատապարտվում է 6-ից 12 տարի ազատազրկումով:
Վրացական լրատվամիջոցների տվյալներով Դուիսիի 23-ամյա բնակիչը նաեւ իր ֆեյսբուքյան էջում ներբեռնել է ԻՊ ղեկավարներից մեկի երկու լուսանկար: Նրա պրոֆիլում նաեւ կար ԻՊ դրոշի լուսանկարը: