Առնվազն մեկ մարդ է զոհվել, եւս 14-ն էլ վիրավորվել հուլիսի 30-ին Պակիստանի հարավում Լարկանա շրջանում հսկիչ անցակետերից մեկի վրա զինյալների հարձակման հետեւանքով, հայտնում է «Սինհուան»:
Լարկանա շրջանում անհայտ զինյալները հարձակվել են հսկիչ անցակետի վրա՝ օգտագործելով հեռահար կառավարվող պայթուցիկ սարք, որից հետո փախուստի են դիմել: Ոստիկանների խոսքով պայթուցիկը հեծանվի վրա է եղել տեղադրված, որը կայանած էր հսկիչ անցակետի կողքին: Տուժածները, այդ թվում չորս զինվորականներ ու 8 խաղաղ բնակիչ, տեղափոխվել են հիվանդանոց: Միջադեպից հետո ձերբակալվել են երկու կասկածյալներ: