Toyota Camry-ն շարունակում է մնալ ռուսական ավտոշուկայի լիդերը բիզնես կլասի մոդելների շրջանում: «Ավտոստատ Ինֆո»-ի տվյալներով ընթացիկ տարվա առաջին վեց ամիսներին ճապոնական մոդելը վաճառվել է 12 հազար 280 միավոր քանակությամբ, ինչը համապատասխանում է անցած տարվա առաջին եռամսյակի վերաբերյալ 6 տոկոսով աճի ցուցանիշին: Հունիսին չորսդռնանի Camry–ի վաճառքը կազմել է 2 հազար 732 միավորի:
Բիզնես կլասի մոդելների վարկանիշի երկրորդ տեղում Mercedes E-Class-ն է, որը 2016-ի հունվար- հունիս ամիսներին գնվել է 2 հազար 11 նմուշով: Հունիսին ավտոմեքենան գնել են 467 ավտոսիրահարներ, ինչը 0.2 տոկոսով շատ է անցած տարվա ցուցանիշից: Առաջին եռյալում է նաեւ BMW 5-Series -ը, որը հունվար- հունիսին 29.3 տոկոսով ավելացրել է վաճառքի ծավալը՝ հասցնելով 1 հազար 596 միավորի, հայտնում է Uincar–ը: